س: ايه الشبه بين الجرنال والشمس ؟؟
ج: الاتنين بيطلعوا الصبح
س: ايه الشبه بين التفاح والكمثرى ؟؟
ج: الاتنين مش جوافة
س: ايه الشبه بين الصعيدي الذكي وسوبر مان ؟؟
ج: الاتنين خيال علمي
س: ايه الفرق بين الصحراء.. وايام الاسبوع.. وموس لورد ؟؟
ج: الصحراء مفيهاش حد
ايام الاسبوع فيها حد واحد
موس لورد فيه حدين
س: واحد وقع من الدور التاسع لقى ايه ؟؟
ج: لقى مصرعه
س: واحد وقع من الدور العاشر لقى ايه ؟؟
ج: لقى حتفه
س: ليه الأرنب مبيعديش من قدام القهوة ؟؟
ج: بيخاف من السحلب المكار
س: دكتور أسنان ارتكب جريمة يسجنوه فين ؟؟
ج: في سجنال تو
س: ليه نابليون كان بيقعد قدام التلاجة ؟؟
ج: عشان يستنى حملة فريزر
***********
س: ايه هي قمة الادب ؟؟
ج: انك تخبط على التلاجة قبل متفتحها
س: ايه هي قمة الصبر ؟؟
ج: انك تستنى حد يفتحلك
س: ايه هي قمة الدهشة ؟؟
ج: حد يفتحلك فعلا
س: إيه وجه الشبه بين الحلاق وجورباتشوف ؟
ج: الإتنين بيتعاملوا مع الروس
س: إيه وجه الشبه بين القمر وصينية البطاطس ؟
ج: الإتنين ميتعملوش عصير مانجو
: إيه العلاقة بين الكمبيوتر والحفرة ؟
الكمبيوتر حاسب آلى
أما الحفرة حاسب لتقع
ليه في الأرجنتين مش بيزرعوا تين ؟
لأنها من الدول اللا تينية
س: إيه الفرق بين الليمون والزيتون ؟؟
ج: الأولاني بيتعمل منه لاموناتة والتاني مابيتعملش منه زاتوناتة
س: إيه الفرق بين الزمالك والشامبو البرت بلاس ؟؟
ج: البرت بلاس اتنين فى واحد لكن الزمالك اتنين فى عبد الواحد
الإثنين يناير 14, 2008 4:55 am
